Haqqımızda

Hər damlasında həyat var!

"Sirab" — Azərbaycanın təbiətindən gələn saf güc, hər damlasında həyat olan bir mineral su brendidir.

Sirab mineral su yatağından sənaye məqsədilə istifadə XX əsrin ortalarına, 1950-ci illərə dayanır. 1968-ci ildə yatağın rəsmi ehtiyatları hesablanaraq Moskvanın Dövlət Ehtiyatlar Komissiyası tərəfindən təsdiqləndi və həmin il Azərbaycanın ən böyük mineral sudoldurma zavodlarından biri Sirabda istifadəyə verildi. 
Sovet İttifaqının süqutundan sonra Azərbaycanda sahibkarlığın inkişafı üçün əlverişli şərait yaranmış, 2003-cü ildə Sirab zavodu Açıq Səhmdar Cəmiyyəti statusu alaraq fəaliyyətini daha da genişləndirmişdir. Müasir texnologiyalarla təchiz edilən müəssisə bu gün Avropa, Türkiyə və Rusiyadan gətirilmiş avadanlıqlar sayəsində yüksək keyfiyyətli istehsal imkanlarına sahibdir.

İstehsal gücü və məhsul çeşidləri
Hazırda Sirab zavodunda 7 müasir texnoloji xətt üzrə 4 əsas istehsal sahəsi fəaliyyət göstərir. Bu xətlərdə qazlı və qazsız təbii mineral süfrə suları müxtəlif həcmli PET və şüşə butulkalara doldurularaq istehsal olunur. Sirab portfelində 21 çeşiddə məhsul yer alır – 0.2 litrdən 19 litrə qədər olan qablaşdırmalarla, həm klassik, həm də premium segmentə uyğun məhsullar istehsal edilir.

Təbii tərkib 
Sirab suyunun formalaşmasında yerin dərin qatlarında baş verən geoloji proseslər mühüm rol oynayır. Çat damar tipli bu mineral sular Na/Cl əsaslı tərkibi ilə seçilir və onların minerallığı qazlı sular üçün 1,5–3,3 q/l, qazsız sular üçün isə 0,10 q/l təşkil edir. PH göstəricisi – 7.4 səviyyəsindədir. Qaz tərkibində üstünlük təşkil edən karbon qazı (97,5–99,9%) suya təbii təbii təzəlik və müalicəvi keyfiyyət bəxş edir.

Keyfiyyət və beynəlxalq sertifikatlar
“Sirab” ASC-də bütün istehsal prosesləri ISO 9001:2015 və ISO 22000:2005 keyfiyyət standartlarına uyğun olaraq qurulmuşdur. Almaniyanın “IQNET” və “DQS” beynəlxalq sertifikatlaşdırma təşkilatları tərəfindən təsdiqlənmiş bu standartlar Sirab suyunun həm daxili bazarda, həm də beynəlxalq səviyyədə keyfiyyət göstəricisidir.

İxracat və qlobal uğurlar
“Sirab” bu gün təkcə Azərbaycan bazarında deyil, eyni zamanda Rusiya, Türkiyə, Belarus, Qazaxıstan, Çin, İran, Qətər, Polşa, Kuveyt, Ukrayna, Baltikyanı ölkələr və digər regionlarda da 15-dən çox ölkədə satışdadır. Məqsədimiz – Avropa bazarında güclü mövqe tutmaq və dünyanın dörd bir yanında Sirab keyfiyyətini tanıtmaqdır.

Nailiyyətlərimiz
Sirab mineral suyu illər ərzində bir çox beynəlxalq mükafatlara layiq görülüb:

 - Qızıl medal – “Biznesdə yüksək keyfiyyətə görə” (Cenevrə, 2005)

 - Qızıl medal – “Qida məhsulları və içkilərinin XII forumu” (Ukrayna, 2009)

 - Gümüş medal – XVII Beynəlxalq sərgi “PRODEXPO 2010” (Moskva, 2010)

 - Qızıl medal – XVIII Beynəlxalq sərgi “PRODEXPO 2011” (Moskva, 2011)

 - Qızıl medal – Beynəlxalq Yeyinti Sənayesi sərgisi (Qazaxıstan, 2011)

 - İlin Brendi – “Azərbaycanda İlin Brendi” Birinci Milli Mükafat (Azərbaycan, 2009)

 - İlin Brendi – “Azərbaycanda İlin Brendi” Birinci Milli Mükafat (Azərbaycan, 2012)

 - İlin İxracatçısı – “Biznesdə Uğur” mükafatı (Azərbaycan Respublikası, Naxçıvan MR, 2012)

 - İTQİ – Beynəlxalq Ləzzət və Keyfiyyət İnstitutu tərəfindən “Mükəmməl Ləzzət” mükafatı (Brüssel, 2015)

 - Qızıl medal – XXV Beynəlxalq sərgi “PRODEXPO 2018” (Moskva, 2018)

Bu mükafatlar yalnız keçmişin uğurları deyil, gələcəyə olan inamımızın da təməlidir.

Saf tərkibi, zəngin mineralları və təbii dadı ilə Sirab, gündəlik həyatımızın ayrılmaz hissəsinə çevrilib. Hər damlasında həyat olan Sirab suyu, sizin sağlam həyat yolçuluğunuzun ən güvənli tərəfdaşıdır.

Sirab – Hər damlasında həyat var. 

Tarixçə

Sirabın hekayəsi 1950-ci illərdə Naxçıvanın saf və zəngin mineral su yataqlarından başlayır. O gündən bu günə qədər dəyişən zamanla birlikdə Sirab da inkişaf etdi, yeniləndi və dövrün tələblərinə uyğunlaşdı — amma təbii tərkibi və keyfiyyəti hər zaman dəyişməz qaldı.

Bu illər ərzində qablaşdırma dizaynından tutmuş istehsal texnologiyasına qədər bir çox yeniliklər tətbiq olundu. 1950–1970-ci illərin klassik sovet üslubundan, 2025-ci ilin müasir və minimalist dizaynına qədər Sirab suyu hər dövrdə öz dövrünün ruhunu əks etdirən sima ilə süfrələrimizə gəldi.

Bu zaman xətti Sirabın təkcə su brendi deyil, nəsilləri birləşdirən bir dəyər olduğunu göstərir. Hər bir butulka – bir dövr, bir xatirə, bir həyat tərzi.

Sirab – 1950-dən bu günə qədər hər damlasında həyat var.

Təqdimatımız

Azərbaycanın zəngin təbiətindən süzülüb gələn, keyfiyyəti və təmizliyi ilə seçilən Sirab, illərdir milyonlarla insanın güvənlə seçdiyi su markasıdır. Bu gün ölkə daxilində olduğu kimi, xarici bazarlarda da Sirab-a olan yüksək tələbat, onun təbii mənşəyi və istehsal prosesində tətbiq olunan beynəlxalq standartlara sadiqliyindən qaynaqlanır.

"Sirab" ASC-nin əsas missiyası — cəmiyyətin, xüsusilə də uşaqların sağlam həyat tərzi üçün keyfiyyətli və təhlükəsiz içməli su ilə təmin olunmasıdır. Bu məqsədlə şirkət, suyun qaynağından istehsalın son mərhələsinə qədər hər addımda yüksək gigiyena və texnoloji nəzarət təmin edir.

Sirab suyunun mənbəyi, dəniz səviyyəsindən 1258 metr yüksəklikdə yerləşən Kəlbəağıl vadisində, dağlar və təmiz hava ilə əhatələnmiş unikal bir ərazidə yerləşir. Suyun zavoda daşınması paslanmayan xüsusi borular vasitəsilə həyata keçirilir. Zavodda isə su 4–8°C temperaturda soyudularaq, istehsal sexlərinə ötürülür və burada müasir texnologiyalarla qablaşdırılır.

Markanın baxışı və missiyası:
Azərbaycanın "Lovermark"ı olaraq qablaşdırılmış su bazarının lideri olaraq, təbii və sağlam məhsulları, yüksək keyfiyyəti və bənzərsiz müştəri təcrübəsi ilə sektorda lider mövqeyini qorumaq.

Şirkətin fəlsəfəsi:
"Sirab" su ehtiyatlarını davamlı şəkildə istifadə edərək, hər kəsin təmiz və təhlükəsiz içməli suya çıxışını təmin etməyi hədəfləyirik. Ətraf mühitə həsas yanaşaraq, yenilikçi həllərlə səmərəliliyi artırır, cəmiyyət qarşısında məsuliyyət daşıyır və şəffaflıq prinsipi ilə etibarlılıq yaradırıq.

Sirab — Hər damlasında həyat var!
Sizin və sevdiklərinizin sağlam gələcəyi üçün çalışırıq.

Markamıza aid Brendbook-u bu linkdən görüntələyə bilərsiniz:Sirab Brendbook
Şirkətimizə aid maliyyə hesabatını bu linkdən görüntələyə bilərsiniz:Maliyyə hesabatı

Qaynağımız

“Sirab” mineral su yatağı Naxçıvan şəhərinin 14.6 km şimal - şərqində, Babək rayonunun Sirab kəndi ərazisində, Kəlbəağıl vadisində yerləşir və hündür dağların qoynunda 1257.80 metr hündürlükdən çıxan bulaq suyudur.

Qədim zamanlardan indiyədək “Sirab” mineral suyundan həm içmək həm də müalicə məqsədləri üçün istifadə edilmişdir. Sirab sözü “Sirli Su” mənasini daşıyır.

İndi də “Sirab” insanların təhlükəsiz qidalanması, uşaqların sağlam gələcəyi naminə su sahəsində üzərinə düşən vəzifəni artıqlaması ilə yerinə yetirməkdədir.

Nailiyyətlər

Hər damlası ilə etibarı qazanan “Sirab” illər boyu həm yerli, həm də beynəlxalq arenada keyfiyyəti ilə seçilmiş, nüfuzlu mükafatlara layiq görülmüşdür. Bu mükafatlar təkcə bir su markasının deyil, Azərbaycanın təbii sərvətlərinə verilən qlobal dəyərin göstəricisidir. “Sirab” olaraq, bu uğurları gələcəyə aparan yolumuzun təməl daşı hesab edirik. Bu nailiyyətlər bizim üçün motivasiya, sizin üçün isə seçimdə əminlikdir.

Qızıl medal – “Biznesdə yüksək keyfiyyətə görə” (Cenevrə. 2005)
Gold medal – “For high quality in business” (Geneva. 2005)

Qızıl medal – “Qida məhsulları və içkilərinin XII forumu” (Ukrayna. 2009)
Gold medal – “12th Food and Beverages Forum” (Ukraine. 2009)

İlin Brendi – “Azərbaycanda İlin Brendi” Birinci Milli Mükafat (Azərbaycan. 2009)
Brand of the Year – “Brand of the Year in Azerbaijan” – In The First National Award

Gümüş medal – XVII Beynəlxalq sərgi “PRODEXPO 2010” (Moskva. 2010)
Silver medal – 17th International exhibition “PRODEXPO 2010” (Moscow. 2010)

Qızıl medal – XVIII Beynəlxalq sərgi “PRODEXPO 2011” (Moskva. 2011)
Gold medal – 18th International exhibition “PRODEXPO 2011” (Moscow. 2011)

Qızıl medal – Beynəlxalq Yeyinti Sənaye Sərgisi (Qazaxıstan. 2011)
Gold medal – The International Food Industry Exhibition (Kazakhstan. 2011)

İlin Brendi – “Azərbaycanda İlin Brendi” Birinci Milli Mükafat (Azərbaycan. 2012)
Brand of the Year – “Brand of the Year in Azerbaijan” – In The First National Award

İlin İxracatçısı – Azərbaycan Respublikası Naxçıvan MR “Biznesdə Uğur” mükafatı. 2012
Exporter of the Year – The Republic of Azerbaijan Nakhchivan AR “Business Success” Award. 2012

Qızıl medal – XXV Beynəlxalq sərgi “PRODEXPO 2011” (Moskva. 2018)
Gold medal – 25th International exhibition “PRODEXPO 2011” (Moscow. 2018)

Beynəlxalq Möhtəşəm Dad Mükafatı - International Taste Institute (Cenevrə, 2024)
Superior Taste Award - International Taste Institute (Geneva, 2024)

İxracat

Bu gün Sirab təkcə Azərbaycan süfrələrinin deyil, dünyanın müxtəlif ölkələrinin də seçimi olan təbii mineral sudur. Zəngin mineral tərkibi və təbii təravəti ilə fərqlənən Sirab ABŞ, Kanada, Rusiya, Türkiyə, İraq, Qətər, Ukrayna, Polşa, Küveyt, Çin, Qazaxıstan, Türkmənistan kimi ölkələrin bazarlarında özünəməxsus yer tutmuşdur.

Sirab brendi ixrac strategiyasında daim yeni bazarlara çıxışı və davamlı mövcudluğu əsas prioritet kimi müəyyənləşdirmişdir. Bu istiqamətdə aparılan məqsədyönlü fəaliyyətlər nəticəsində 2012-ci ildə Avropa bazarına inteqrasiya prosesi uğurla həyata keçirilmiş, məhsul beynəlxalq keyfiyyət standartlarına uyğunluq sertifikatları ilə təsdiqlənmişdir.

Avropa ilə ilk rəsmi təmas Latviya və Litva respublikalarına ixracatla baş tutmuş, Sirab bu bazarlarda etibarlı, keyfiyyətli və təbii mənşəli mineral su olaraq tanınmağa başlamışdır.

Bu gün Sirab – təkcə bir su markası deyil, Azərbaycandan dünyaya uzanan təbiətin saf salamıdır.
Gələcək hədəfimiz: daha çox ölkədə, daha çox süfrədə Sirab keyfiyyətini yaşatmaqdır.